返工出左Gardens Centre，過到對面馬路，
行到d爛路時右腳拗柴.........
但唔算好嚴重，只有少少痛仲行到.........
返到公司係咁轉隻右腳.......
鬆返少少，不過都知會愈黎愈痛........

尋晚份Mockup，Warren出手搞，
之後我埋尾......不過都要做到十二點幾先搞掂......

Caroline收到Adam confirm ok，
即刻幫我book機票，所以已鐵定1月3日晚飛~~~~~~

Déborah好早就過左黎，之後俾左部份功課俾Steve睇，
其中一份差唔多要做過哂，
Déborah話暫時都未有齊資料做，等到1月5日公司開工後，
再係法國同我傾點做，佢1月12號先係Dead line~~~~~~

叫Arthur入定錢俾我，
最多佢過黎時我還Rand俾佢囉........呵
佢叫我返黎帶埋相機，佢換部Nikon D70俾我用~~~~
好呀，部機三年前買都成萬蚊~~~~雖然大部左d........
叫我返黎買d攝影書學影相，都好喎~~~~
反正一直都有興趣，以前都想上堂學~~~~

問Caroline點解淨係得Kirsten咭，無Warren張咭要簽既？
Caroline先醒起今日Warren都係last day......好彩問問姐.....
過到去Adam度都唔知點死張咭出黎........
等埋Chad做埋Déborah相簿封面，
先坐Caroline車去Adam屋企~~~~~~~

去到幫手整野食，跟住周圍行下，同Chad & Déborah去左樹屋影相
之後換褲去泳池游水，好耐無係泳池游水啦~~~~~~
游水哂下太陽，好晏先有野食~~~~~
期間仲有隊樂隊黎表演~~~~~


到交換禮物，首先每人抽簽分先後，我抽到係no.5，
跟住就順次序揀禮物，收到要即刻拆，到第二個人揀時，
就唔準開住，問同唔同人換........唔換先可以拆......
咁玩法都幾有趣........但變左愈遲抽愈著數~~~~~
我抽到Kath買既跳字鐘萬用刀~~~~
ok啦，即使呢把係第三把萬用刀.........

跟住揭曉尋日既投票結果........
我竟然有兩項最高票數......
而兩項題目係.....IN 2008, WHO DO YOU THINK:
1. worked for the Secret Service?
2. has taken the saying "strong and silent type" to new levels?
前者分別有Adam、Omar & me最高票，
贏到兩張$30 Pasta Factory coupon，
後者我都估到有機會跑出.......
但係.......我有咩咁神秘呢？

玩到八點，同Déborah坐Caroline車返屋企，
返到Guest House入去hea杯啡先，
Caroline講到星期一先出到糧，原本星期日去玩一個禮拜，
但因為爭$500，變左星期四先有錢去.........
咁arm我錢包有$500，我即刻借左$500俾佢.........
開心到佢即刻彈起身多謝我........反正我d錢都拎唔到返港......

坐到九點半就一齊走，聽朝Déborah call我幾點出發，
未定去邊，沙灘or泳池~~~~~
夜晚佢話要請我食飯，多謝我呢幾日咁幫忙........哦

返到去好累，隻腳拗完柴，係泳池又玩得耐，
右腳抽左兩三次筋.........
沖完涼搽完藥酒又鬆返d無咁痛........
兩點後先訓覺~~~~~~

今日叫做放假前最後一日返工.......
好多人d holiday mood蒲哂面，
但我仲係忙到爆.........

星期日張機票confirm左無問題，都黑唔哂~~~~
lunch出左去買花紙，返到黎先見到公司有唔使買.....

俾Bayworld玩左大半日，到收工前都係搞唔掂投哂降....
Warren都無哂計，都係叫我聽朝先搞.......
聽日仲有半日時間，中午就去Adam屋企開Party~~~~
不過我張回程機票仲未搞......聽朝一定要book.......
唔想做滯港旅客o徒大假........

六點前過左去Déborah度，傾埋個cover點整，
Aaron走埋黎同我講佢就出去，叫我留低係度.......
一時間唔知點應好........
即時感覺佢認為佢係度我就唔會留低咁........
其實可能客氣說話姐.......我諗我諗得太多囉......

七點前就返上樓做野，九點零就搞掂哂d稿~~~~~
之後就幫Déborah壓縮埋d相......
比我想象中耐好多.....三四個鐘先整好哂..........
check返原來有成三千幾張相........

做左成晚，成個人散哂.......
包埋份禮物，拿拿聲沖涼訓覺~~~~~~~

收到Adam email......原來仲未book機票......
佢叫Caroline幫我跟........
check完等佢覆就book得~~~~

Warren想幫我confirm星期日既機票，
我有d少少擔心，不過今日無帶機票.......
聽日帶返黎先confirm........
斷估唔會黑仔到張機票到依家先話無轉到呀.....
係就精彩囉..........

臨近放假.....仲鬼咁多野做.........
Henry有份Presentation聽晚前要俾佢，
Marray唔滿意Bayworld份Mockup........
聽朝Bruce過黎再一齊跟........
Bayworld份Mockup鬼咁複雜，
都唔知趕唔趕得切做埋Henry份野.......

想留低OT都唔得，一黎要去買Party禮物，
二黎都要返去做埋Déborah份功課~~~~~~

係樓下買左個日本娃娃匙扣做禮物，
arm arm好係指定價格內平5仙~~~~~~
返去食d野，抖一陣，七點半開工~~~~~
呢份功課比較麻煩，做到十一點零先搞掂，
總算鬆一口氣.......
做到部Laptop爭d行唔掂要hang機........

今次返港，暫時咩都未準備過.......

尋晚最後差唔多五點先訓.......
但十一點就起身.........

起身整埋尋晚煲粥，今次有時間跟足煮法，
分開煲焯熟牛肉，咁樣先加牛肉煲粥真係清好多~~~~~
而今次用羹搞得仲耐，結果比上次更加綿，
綿到好似糊仔咁~~~~~~
最後再點少少油，更加滑同易入口~~~~~

阿邪睇完尋日篇野話我同Déborah有機.......
原來尋日我講漏左係我問Déborah佢EX d野........
並唔係阿邪所諗，咁主動同我講佢EX~~~~
不過我地自旅行後，都多左傾計既~~~~
再講，唔少女仔fd都肯同我傾下密計架啦，
因為我全無殺傷力嘛~~~~~~
突然諗起，首[戀愛盲]for我真係fit到漏~~~~

Déborah三點零叫我唔好因為份野而o徒左成日假期......
果陣我都仲睇緊[加旋].......如果咁少野要搞成日就死得囉........

四點開始跟其中一份功課，七點零send俾佢對，
佢收到時好似好開心，不停話好正~~~~
左執右執八點零搞掂一份，另一份我要用既素材不足，
聽日返公司補給先做到，今晚度住layout先~~~~~

都幾鍾意間中做下呢類無咩壓力同時間限制既 job
幫到人時又幫到自己練習下~~~~~~

但我到依家先醒起，Déborah除左呢兩份稿外，
仲提過想我整埋個cover.......仲有堆相幫佢壓縮，
星期五公司開party唔知玩到幾點先返到屋企.......
而Déborah叫我星期六一齊同埋Arron出去玩.......
即係只有聽晚同後晚有時間做.......
為左提高效率，聽晚都係留低公司搞埋佢.......

返工前send左SMS俾Déborah父母say goodbye，
返去無耐，Déborah就係Skype出現搵我，
之後話今日有事想搵我幫忙，係佢份功課，
想我幫佢執靚d~~~~~~哦
最多聽日假期，幫佢整埋先囉，
有咩都係幫埋佢呢個星期姐~~~~

忙，繼續好忙.....
Henry個model mock up攤得太凍，
擺低堆FIFA，做好交俾佢先.........

Déborah中午過左黎，搵埋我去食飯，
我叫埋Chad一齊去，但佢話無錢........
見佢今日生日，我請客啦~~~~

同埋Déborah一家、Chad同有Dylan
係隔離Pasta Factory食lunch
臨走前Déborah父母叫我去法國一定要搵佢地~~~~
而Chad叫Déborah去Party，Déborah咦咦哦哦無答佢，
事後我係Skype叫佢想去玩就去啦，
send左個file俾我，我都可以做到野~~~~
但佢話都唔想去，今晚唔想出街，
照原定計劃，上黎我度傾野~~~~

彭生D中文水平真係嚇死人.........
睇完阿邪描述我真係笑左出黎.............休字加一點.......

六點先走，七點零叫Déborah上黎，
睇過佢份功課，都係由我做過哂最好.........
佢話出年六月畢業前仲要拜托我幫多佢一次~~~~~~
之後整沙律share食~~~~~
佢同我講已經無再掛住墨西哥EX，
咁短時間佢已經成長左唔少，去旅行時都唔係咁講
好事黎既，無謂既掛念就應該趁早放低........
仲話讀完書會考慮返黎做野......聽住先啦~~~~

九點半後跟佢返Guest House，
抄埋佢所有係南非影既相，因為要幫佢壓縮，
搞到11點半先走........

返到去終於可以做下自己野，hea到三點半後先訓~~~~

六點零扎醒，窗外成天空都係雲........唔係呀嘛

九點零起身都仲係咁.........今日都係去唔成沙灘.......
無聊繼續煲[加旋].......

大姐搵我，我接唔切，之後再call佢又唔識接.......
之後露比搵我話佢都係未識用.......
同露比傾左好耐，都係講屋企野.........
主要都係二哥同老豆..........
近排仲比老豆睇到二哥捲草........
露比話老豆好似好開心咁同人講，
好似發現新大陸咁，都唔明咩心態.........
露比問我知唔知二哥食開？
我好耐以前就知，不過都係答唔知算........
幾年前我仲托過佢買添，不過唔係我要........
至於話用黎止腳痛，雖然真係麻醉作用，
但呢個就係原因，好似牽強左d喎........

露比叫我同二哥傾下.......下？點解又搵我既？
屋企裡面我幾時做左呢種角色架？........

呢排成日以為海面好大霧........今晚先發現，
因為月亮太光，做成海面泛起一層白光..........
至於月光既光亮程度，熄哂燈都好似仲有盞燈未熄咁，
臨訓時仲會覺得刺眼訓唔著添.........

星期六留係屋企溫陣書，煲下卡通，
同Cassandra傾下MSN~~~~~

始終好難相信Cassandra所講現時既處境.......
佢自己都講無人相信，個個都當佢癡線........
因為情況如同思覺失調，有幻聽、幻覺情況好相似.......
所謂既迫害手段，只係24小時不停去跟蹤一個人，
不停係附近說閒言閒刺激當事人，
但並無進一步行動，跨越國境地如此維持了接近一年，
假設有人擁有咁大能力，但點可能會投入咁大資源，
只是如此去對付一個人..........
唔係絕無可能，只係咁做太無聊啦嘛.......

坐左成日好累........12點前就訓........

Chad今朝又遲到，九點半後先返到黎，
加上今朝好多野等佢返黎做，
Warren好火咁省左佢幾野，當堂成朝謝哂~~~~

上晝Déborah突然出現office，
原本星期日先返黎，提前左尋日已經返到
過黎主要問我上次去Betty Bay，
睇企鵝既Stony Point點去？

全日都做PE份Presentation，
做到差唔多七點，send埋email先走~~~~
行到差唔多樓下時，突然聽到有人叫我
原來Déborah係車度叫我，佢地挾左我上車，
就咁跟左佢地一家人去食飯~~~~~
Pasta Factory無開，過左對面既餐廳食飯~~~~~
除左Déborah媽講到少少英文外，
全程都靠Déborah翻譯先傾到計~~~~~~

食完去左Guest House hea陣，睇哂佢地幾日旅行既相
差唔多十一點先返上樓~~~~~~

聽日係屋企溫下書先，後日先出去曬~~~~~~

多野做到抖唔到氣..........
Henry一黎五份mockup，份份都要做model......
MTN又有份勁煩PPT要跟.........
玩左大半日都仲未做完........
聽朝要分d mockup俾Chad做..........

突然諗到個問題.....到底Adam 幫我book機票，
到底用我咩英文名黎Book架呢？
我Passport無Roger呢個名架喎........
send左email等佢覆，佢去左Dubai，要18號先返.......
今次返黎補領ID咭，順便加埋英文名落去.......

收工前同Arthur傾左陣，
問佢會唔會叫Warren做consultant？
Arthur想同Warren傾下計先...........
原來Warren同Steve & Murray有問題.........原來如此.......
Arthur見我咁得閒，又叫我寫下Blog，
記低呢度生活既瑣事和感覺........
呢樣野我做緊好耐啦，不過無同佢講姐.......
不過從來我都唔叫呢個做Blog，我只係寫日記，甚少寫其他野，
而且Blog呢個詞未出現，我已經開始寫緊online diary...........

六點前先走，返到黎Bonnie搵我開咪傾計，細佬黎埋搭訕，
佢兩姊弟感情真係好好，即使年齡爭左一大截.........
傾左兩個幾鐘，八點半先開始煮飯

hea到十點半開始眼訓，又攤左梳化訓到兩點........
我D壞習慣又開始返黎.......有床唔訓，訓梳化...........

行返公司時，半路俾Warren架車截住，
坐左程短短既順風車~~~~~
佢就黎要搬，返印度前會搬去女友度一齊住......
都唔知依家佢有女友......應該唔係舊時果個~~~~

暫時無咩野做，好多野都等緊reply..........
太無聊搞到好眼訓.......成日都要洗臉提神......

今次返HK，又有人托我買電話，
今次係Blonde，不過無特定型號，
我都係叫佢諗好要咩機先同我講啦，
再講，依家香港買機都唔見得特別平好多，
Rand又跌咁多.......分分鐘仲貴左......

今晚場波臨完場12點先攤落梳化睇.......
捱左五分鐘完場後，又再一次圓寂左......
又訓到點零先醒..........